दीपकराज गिरीले गगन थापाको औकात देखाइदिएपछि…

काठमाडौं। कोरोना भाइरसको त्रासका कारण नेपालमा एकसाता लामो लकडाउन भइरहेका छ । यतिबेला स्वास्थ्यमन्त्री भानुभक्त ढकालको जिम्मेवारीमाथि प्रश्न उठाउँदै कतिपयले सामाजिक सञ्जालमा ढकालको राजीनामा माग गरेका छन् ।

कोरोना भाइरस नियन्त्रणका लागि राम्रो भिजन नभएको भन्दै सामाजिक सञ्जाल प्रयोगकर्ताले स्वास्थ्यमन्त्रीमा भानुभक्त ढकालको सट्टा गगन थापा हुनुपर्ने तर्क राखेका छन् । कतिले त प्रधानमन्त्रीलाई आग्रह गर्दै गगन थापालाई स्वास्थ्यमन्त्री बनाउन समेत सुझाव दिएका छन् ।

सामाजिक सञ्जालमा विकल्पका रुपमा गगन थापालाई उभ्याइरहेका बेला कलाकार दीपकराज गिरीले भने गगनलाई कमजोर फुटबल टिमका राम्रा स्टाइकरको संज्ञा दिएका छन ।
सामाजिक सञ्जालमा एक पोस्ट गर्दै उनले लेखेका छन्, ‘केही साथीहरु गगन थापालाई मन्त्री बनाउनुपर्छ भन्दै हुनुहुन्छ, गगन जी अहिलेको अवस्थामा कमजोर फुटबल टिमका राम्रा स्टाइकर जस्तै हुन् ।’

उनले राजनीतिलाई फुटबलसँग जोड्दै अगाडि लेखेका छन्, ‘विश्वकप हुँदै स्टाइकर राम्रो हुँदैमा खेल्न पाउँदैन, टिम नै छानिनुपर्छ ।’ उनले प्रतिपक्षमा रहेको प्रमुख दल नेपाली कांग्रेसलाई कमजोर रहेको बताएका छन् । ‘आपत छ भन्दैमा फ्रान्सको टिममा मेस्सीले खेल्छ ?,’ उनले भनेका छन् ।
दीपकराज गिरी यतिबेला सेल्फ क्वारेन्टाइनमा बसिरहेका छन्। फुर्सदको समयमा उनले सामाजिक सञ्जालमा सक्रियता बढाएका छन् ।