कास्कीको लुम्ले केन्द्र रहेको भूकम्प, पोखरामा भागाभाग

पोखरा । गण्डकी प्रदेशको राजधानी पोखरा आसपासको क्षेत्रलाई केन्द्र विन्दु बनाएर आइतबार साँझ भूकम्प गएको छ ।

आइतबार साँझ ८ बजेर ४५ मिनेटको समयमा भूकम्पको धक्का महसुस भएको हो । पोखरा आसपासमा भूकम्पको धक्का अलिक ठूलो महशुस भएको स्थानीयले बताएका छन् ।

धक्का आएपछि सर्वसाधारणहरू घरबाट बाहिर निस्किएको जनाइएको छ ।

राष्ट्रिय भूकम्प मापन केन्द्रका अनुसार कास्कीको लुम्लेमा केन्द्र बिन्दु रहेर ५.० रेक्टर स्केलको भूकम्पको धम्का दिएको छ ।

धक्काले बुटवल, भरतपुरदेखि काठमाडौंसम्म सर्वसाधारणलाई त्रसित बनाएको थियो ।