नेपालको नक्शा राखिएको ‘ओली केक’ वि’वादमा, सामाजिक सञ्जालमा चौतर्फी आ’लोचना

काठमाडौं । प्रधानमन्त्री केपि शर्मा ओलीले आफ्नो ६९ औं जन्मदिनको दिन का’टेकाे केक वि’वादमा परेकाे छ । जन्मदिनकाे दिन का’टेकाे केक नेपालको नक्शा अंकित भएपछि विवादमा परेकाे हाे । नेपालकाे नक्शासहितकाे केक का’टेकाे भन्दै उनिमाथि सामाजिक सञ्जालभर आलाेचना भएकाे छ ।

उनले काटेको केकमा नेपालको नक्शाभित्र हिमाल, पहाड र तराई छुट्याएको छ । ओलीले आफ्नो जन्म जिल्ला तेह्रथुम पुगेर नेपालको नक्शा अंकित केक का’टेका थिए । उनले का’टेको केकको फोटो सार्वजनिक भएसँगै सामाजिक सञ्जालमा वि’रोध भएको हो । ओलीको केक कटा’ईप्रति चर्चित सामाजिक हस्तिहरुले कडा वि’रोध जनाएका छन् ।

केकको फोटोसहित कतिपयले प्रधानमन्त्री ओलीको नियत नै खोटो भएकोसम्म टिप्पणी गरेका छन् । चर्चित कलाकार रेखा थापाले केक कटाईप्रति नियत जोडिएको नभएपनि लक्षण गतिलो नभएको आलाेचना गरेकी छिन् । उनले सामाजिक सञ्जालमा लेखेकी छिन्, ‘नियतवस नहोला तर लक्षण गतिलो छैन । छातीमा देशको जिम्मेवारीको बिल्ला र हातले देशको नक्सा का’टेको देख्दा अचम्म लाग्यो । देशको प्रधानमन्त्रिको अनुहारमा पनि सन्देश हुन्छ, तर यो केक क’टाइको सन्देश बुझिएन ।’

त्यस्तै चर्चित राजनीतिक विश्लेषक मुमाराम खनाल प्रधानमन्त्री ओलीलाई केक काट्दा हात कामेनन् भन्ने प्रश्न गर्छन् । उनि भन्छन्, ‘नेपालको नक्सालाई जन्मदिनको केक बनाउने हात कामेनन्। देशको नक्सालाई केक बनाएर का’ट्ने हात पनि कामेनन्। न त कामे नेताका हातहरु न कार्यकर्ताका।’

त्यस्तै साझा पार्टीका प्रवक्ता सुर्यराज आचार्यले ओलीले सार्वजनिक माफी नै माग्नु पर्ने बताएका छन् । उनले प्रम ओलीले का’टेको केकप्रति वि’रोध जनाउँदै लेखेका छन्, ‘सम्माननीय प्रधानमन्त्रि ज्यु, प्रमको मर्यादा र यहाँको राजनीतिक व्यक्तित्वलाई यो दृश्यले न्याय गरेन। प्रतिकात्मक अर्थ के बुझेर यस्तो केक बन्यो थाहा भएन। देश र जनता सामु तुरुन्त क्षमा याचना गर्न ढिला नगर्नुस।’

केक बोक्न हेलिकप्टर नै चार्टर गरिएको थियो

नेपालको नक्शा अंकित केक बोक्न प्रधानमन्त्री ओलीले हेलिकप्टर नै चार्टर गरि आफ्नो जन्मघर पुर्याएका थिए । २० किमि टाढाबाट केक लैजानको लागि उनले यति एयरलाइन्सको हेलिकप्टर चार्टर गरेका थिए । केक लैजानको लागि हेलिकप्टर चार्टर गरिएको प्रति पनि निकै आलोचना भएको छ ।

ओलीले आफ्नो आठराई गाउँपालिकाको ४ को इवास्थित आफू जन्मेको घरमा धुमधामका जन्मोत्सव मनाएका थिए । उनको जन्मोत्सवका लागि आइतबार आठराई गाउँपालिकाले सार्वजनिक विदा नै दिएको थियो ।