राष्ट्रपति भवन अगाडि प्रदर्शन गर्ने नेविसंघका प्रदर्शनकारी प’क्राउ

राष्ट्रपति विद्यादेवी भण्डारी र प्रधानमन्त्री केपी शर्मा ओल‌ीले असंवैधानिक कार्य गरेको भन्दै शीतल निवासअगाडि प्रदर्शनमा उत्रिएका नेपाल विद्यार्थी संघ (नेविसंघ)का प्रदशनकारीलाई प्रहरीले प’क्राउ गरेको छ ।

संसदबाट कानुन बनाउने प्रावधान हुँदाहुँदै राष्ट्रपतिले सोझै अध्यादेश जारी गरेपछि विद्यार्थी नेता प्रदर्शनमा उत्रिएका हुन् । शीतल निवासअगाडि प्लेकार्ड बोकेर विरोधमा उत्रिएका प्रदर्शनकारीमध्ये ८/१० जनालाई प्रहरीले नियन्त्रणमा लिएको नेविसंघ नेता दुजाङ शेर्पाले जानकारी दिए ।

शान्तीपुर्ण रूपमा राष्ट्रपतिलाई संविधान बुझाउन जाँदा अस्वीकार गरेको र नेविसङ त्रिभुवन विश्वविद्यालयका नेतालाई प्रहरीले गिरफ्तार गरेको भन्दै तत्काल रिहाइका लागि नेता दुजाङ शेर्पाले माग गरेका छन् ।