आधा दर्जन कारण देखाउँदै बाबुरामले सुरू गरे ओली सरकार हटाउने ह्यासट्याग

पूर्वप्रधानमन्त्री तथा जनता समाजवादी पार्टीका वरिष्ठ नेता डा.बाबुराम भट्टराईले ओली सरकारलाई हटाऔं ह्यासट्याग सुरू गर्दै कोरोना संक्रमित बिरामी र जनताको दु:खमा साथ् सरकार नचाहिने बताएका छन् ।

उनले जनताको उपचारबाट पन्छिने सरकारी निर्णयको कडा आलोचना गर्दै सोमबार बिहान एक ट्वीट सन्देश जारी गर्दै प्रश्न गरेका छन्, ‘यस्तो सरकार किन चाहियो ?’

ओली सरकारलाई हटाऔं भन्ने ह्यासट्याग प्रयोग गर्दै उनले लेखेका छन्,
‘कोरोना उपचार खर्च आफैं व्यहोर !बेहोस भए मात्रै अस्पताल जाऊ !
बेरोजगार श्रमिक रूँदै गाऊँ फर्क !भारतबाट फर्केका श्रमिक भोकै परेपछि दशैंको मुखमा भारततिरै फर्क !
महिनौंदेखि स्कूल-कलेज बन्द भएर अलपत्र परेका विद्यार्थी जेसुकै गर !
आसेपासेहरू कमिसन/भत्ता डकार !
यस्तो सरकार किन चाहियो ?’